Haustlilja og Dílatvítönn

Sumar-eða haustlægð

Sú fyrsta er að ganga yfir landið og loksins þegar fór að rigna þá er spáð hífandi roki.

Blóm og runnar ekki nema rétt byrjaðir að blómstra.

Hvað er þá til ráða?

Taka myndir og ylja sér við ef allt fer til andsk..... Hér eru myndir frá í gær

Lífrænar varnir fyrir gróðurhúsið

• LÚS, ef hætta er á lús og hvítflugu, þá má nota skordýrasápu. 
• HVÍTFLUGA dregst að skærum hlutum, svo flugnaspjöld í skærum litum geta komið að góðum notum.
• LÚS, einnig eru ýmsir laukar hentugir til að fæla meindýr, skera þá niður og stinga innanum kryddplöntuna, líka er gott að rækta graslauk og hafa nálægt hinum jurtunum/plöntunum.


LÚS, ef lús er á jurtinni reyndu að smyrja Vaseline neðst á stilkana og lýsnar komast ekki upp eftir jurtinni.
LÚS, leggja sneið af hrárri kartöflu í pottinn. Lýsnar skríða á hana og þú hendir svo bara kartöflusneiðinni. Endurtaka í nokkra daga, eftir svona tvo til þrjá daga ætti allt að vera horfið.
SVEPPIR í/á jurtinni, matarsóti + vatn drepur sveppi.
MEINDÝR, vörn gegn meindýrum, skola plöntuna undir rennandi vatni reglulega.
SKORDÝR, Maxicrop og vatn saman og úða yfir laufin, fælandi fyrir skordýr og gefur áburð í leiðinni. 
SPUNAMAUR OG BLAÐLÚS, sítrónudropum, brúnsápu og vatni, úða gegn spunamaur og blaðlús.
BLAÐLÚS, brúnsápa og própanol (spritt) og vatn gegn blaðlús.
MYGLA, Anna Saari ráðleggur okkur að dusta matarsóda yfir moldina - það hjálpar oft með myglu
PÖDDUR, ráð við pöddum í kryddjurtum, 1 l. vatn, msk. grænsápu/brúnsápu og tsk. sítrónudropa, á viku fresti í þrjár vikur.
Anna Saari hefur sett niður flauelsblóm innan um kálplöntur - þau fæla - þetta hefur virkað ágætlega 
Vilmundur Hansen : Lífrænar varnir
Sápa og sódavatn
0,8 lítrar vatn
0,1 lítri sódavatn
0,1 lítri græn- eða brúnsápa
Sápan er leyst upp í vatninu og sódavatninu bætt út í síðast. Hellt í brúsa og úðað yfir plönturnar.
Auður Sæmundsdóttir: ráð við lús -  Ég hef sett heil hvítlauksrif ofan í moldina hjá Hawairósunum mínum,sem voru þaktar lús .Síðan hef ég ekki þurft að hafa neinar áhyggjur..Virkaði vel hjá mér.
Ragnheiður Eyjólfsdóttir :  Hér í Þýskalandi láta menn brenninetlu liggja í vatni í garðkönnu eða fötu yfir nótt eða tvær og þá er maður víst komin með fínasta lúsaeyði, sem er þar að auki ekki skaðlegur fyrir umhverfið.

Allt í blóma

Ég ætla að byrja þessa færslu á að sýna ykkur uppskeruna í dag. Jarðarber og blæjuber úr gróðurhúsinu. Svo var bara að þeyta rjóma og gúffa þessu í sig. Fór líka með eftirrétt til Heiðu og mömmu eftir hádegismatinn. 

Snækórónan ilmar eins og gula ameríska tyggjóið í gamla daga

 Hansarósin í blóma

Birkikvisturinn líka

Þessi Vestmannaeyja Baldursbrá kom á bak við hús. Vissi ekki af henni fyrr en í dag. Gaman að finna svona fallegar plöntur. Það er svo skrýtið að hún verður ekki ofkrýnd nema hún hafi venjulega Baldursbrá nálægt sér. Þetta sagði Guðbjörg vinkona mér fyrir tveim árum en þá var mín alveg eins og hin venjulega Baldursbrá. Ég setti svo þannig jurt við hlið eyjablómsins og viti menn, hún varð ofkrýnd aftur. Skrýtið er þetta með náttúruna og alltaf eitthvað sem kemur manni á óvart

Þessi fallega planta hefur ekki verið í hávegum hjá mér. Hún óx bara aftan við gróðurhúsið og ekkert spennandi við hana. Í fyrra þegar við gerðum nýja gróðurhúsið þá klipptum við hana alveg niður og þá allt í einu byrjaði hún að taka við sér. Mér er sagt að hún heiti Víðikvistur. Best að hugsa vel um þessa í framtíðinni. 

Fyrir helgina keypti ég á útsölu hindberja-og brómberjaplöntur sem ég ætla að setja í gróðurhúsið. Planið er svo að kaupa lampa fyrir haustið og setja tímarofa svo það verði bjartara á daginn og svo myrkur að nóttu og reyna að rækta sitt eigið grænmeti og ávexti allan ársins hring. Sjálfbærni, það er málið, ekki satt?

Lús þolir víst ekki hvítlauk

Lús þolir ekki hvítlauk, svo búðu til þinn eigin lúsaeyði.

2, hvítlaukar kramdir settir í 1 líter af vatni, látið malla í potti í 20 mín á lágum hita. 

Kælt, sigtað  og sett í sprey brúsa

Prófaði þetta í dag og gróf svo restina af soðna hvítlauknum niður hér og þar í moldina í gróðurhúsinu. Spennandi að vita hvað gerist. 

Nýtt í garðinum

 

 Ýviður 'David' (Taxus baccata 'David') keyptur í Þöll í gær. Sígræn og vöxtur ársins ljós en dökknar svo . Setjum hana við fremsta ljósastaurinn, hægra megin við hliðið. 

Gullregnið okkar eitraða

Gullregn er eitrað en ofboðslega falleg planta. Nú á ég ömmustrák sem er að verða eins árs og því eins gott að vakta litla manninn ef hann kemur í heimsókn. Þetta er  sagt um gullregnið á grein mbl árið 2005:



GULLREGN framleiðir efni (af flokki alkaloida) sem eru eitruð. Þau eru staðsett í berki og fræjum þó að öll plantan sé í raun eitruð. Eitrun getur komið fram sem sviði í munni, uppköst, niðurgangur, kaldur sviti, höfuðverkur, útvíkkuð sjáöldur, svimi og öndunarerfiðleikar. 

Talið er að einungis tvö fræ séu nóg til að framkalla eitrunareinkenni. Verið því á varðbergi ef gullregn er í grenndinni. Sjá nánar hér

Á Wikipedia fann ég þetta

Umhverfisvænt og bráðdrepandi

Uppskrift 1 af blöndu til að drepa óþarfa gróður: 
3.8 lítrar edik
1 bolli fínt salt
1/4 bolli uppþvottalögur. 
Blandað saman og úðað yfir svæðið

Uppskrift 2:
5 lítrar edik
1 pakki fínt salt
1 bolli uppþvottalögur
Virkar strax, árangur sést eftir nokkra klukkutíma

Stevia

Ég á Steviu í gróðurhúsinu og hefur hún lifað af einn vetur í gróðurhúsinu okkar.
Hér eru upplýsingar um jurtina

Jarðarber og mynta

Gaf smá af myntunni minni og fékk þrjú afbrigði/afleggjara

1. hrokkinmynta
2. eplamynta
3. piparmynta

Hér er efni um myntu

Að rækta upp af afleggjara

Ég fann þessa grein um gagnsemi myntunnar

Fékk lika eina jarðaberjaplöntu sem heitir Elsanta. Spennandi viðbót. Fann grein og meðal annars stendur þetta hér: 

Elsanta dafnaði vel í upphituðu gróðurhúsi á Hvanneyri. Berin eru falleg og flokkast vel. Norðmennirnir Kvamme, T. og Bjelland B. (1992) telja hins vegar að Elsantaber séu ekki eins góð og ber af Glima, Jonsok og Senga-Sengana. Elsanta er mikið ræktað í upphituðum gróðurhúsum í Mið-Evrópu. Nú eru Norðmenn og Svíar að hefja slíka ræktun. Það hefur komið fram í fagritum frá Noregi að hugsanlega væri betra að rækta afbrigðið Korona í gróðurhúsunum en Elsanta, vegna þess að berin af Korona væru betri.

Hér er greinin í heild sinni

Urðarhnoðri frá Siggu systur

Hann fékk heiðursstað við grjótið hægra megin við hliðið í Brúarlandi. Ég fékk smá anga af þessari fallegu plöntu sem er búin að dreifa sér vel í grjótinu sem þau eru með við húsið. Vona að hann vaxi vel og dreifi sér kring um grjótið

Blómakaup

Þegar maður er leiður þá kaupa sumir sér sælgæti og sykur en ég kaupi blóm 

og tel það miklu hollara fyrir mig

 Þessi þekjujurt Berghnoðri skríður nú þegar um beðin hjá mér, mjög dugleg

Ég keypti eitt svona sem nefnist Dvergadrottning og sett við grjótið hægra megin við hliðið. Eg setti líka Urðarhnoðrann þarna. Grjótið er bráðskemmtilegt. Ofan á því er einhver mura, í hliðinni fór að vaxa stikilsberjaplanta og hún er það föst að ég næ henni ekki. Nú í vor kom svo burkni út úr hliðinni við hlið runnans. Ofan á grjótinu framan við muruna er svo einhver fjölær jurt með fjólubláum blómum. Á eftir að finna út hvað hún heitir. 

Vínlandsroði er dökkrauð þó hún sé út í grænt hér á myndinni og hana setti ég við stóra eininn minn og Hegginn sem eru hér við ljósastaur og utan um setti ég einn af hringjunum sem ég keypti í Set í fyrra. 

Ég hef nú alltaf kallað þessa Risavalmúa en svo heitir hún Tyrkjasól. Setti hana í beðið hjá Hansarós og Vestmannaeyjabaldursbrá og þekjujurtin þar er skriðrifs sem er að koma vel út þetta sumar

Breiðumispilinn setti ég í einn hringinn við fyrsta ljósastaurinn hér við stéttina. Spennandi að sjá hvernig honum gengur í vetur. Núna er hann með rauðum berjum og hvítum blómum, rosalega fallegur

Piparmyntu á ég nú þegar, hún skríður um allt við trékassann þar sem ég set úrgang. Búin að þurrka smá af henni til að nota í te í vetur. Tók þessa mynd til að sjá upplýsingar

Fékk smá af þessum hjá Siggu á Hrauni áðan. Hann heitir Urðarhnoðri eftir því sem fólk á FB síðunni segir. Rosa flott þar sem hún þakti grjótið og var rauð í graskantinum. Eg setti hana við hliðið við stóra grjótið. 

Þrenningarfjóla.

Fékk tvær hjá Guðrúnu og Hauki um daginn. Setti þær í beðið vinstra megin við hliðið, í nýja beðið okkar Bjartþórs sem við bjuggum til í fyrra. Hér eru upplýsingar um hana. 

23.júlí 2011 og 2015

Það er anski kalt sumar núna og Bóndarósin ekki farin að blómstra ennþá en hér fyrir neðan er fjögurra ára gömul mynd af sömu rós. Held bara að sumarið fæðist ekki í þetta sinn???

Bak við bílskúr

fann ég Vatnsbera, bleikan, bláan og fjólubláan og færði þá að götunni, framan við Fjallarifsið sem nú þýtur upp eins og enginn sé morgundagurinn. Því miður þá tók ég einhverja mynd af Google til að sýna blómin og fékk bágt fyrir hjá eiganda myndarinnar. 

Allt mjög seint þetta sumarið

 Hér eru fleiri myndir úr garðinum í dag

Gultoppur

Ég á Gultopp við stóra burknann minn. Sjá nánar hér

Að taka græðlinga

Flott myndband með Vilmundi Hansen

Grænkál

Ég á það í gróðurhúsinu mínu. Sjá nánar hér

Fjalldalafífill

Vex við hliðið hjá mér og er að verða ansi flottur. Sjá nánar hér

Dagstjarna

Þessa á ég í miklum mæli í ruslagarðinum mínum. Hér er hægt að lesa um þessa elsku sem ég ætla að nota til að hylja beðin.

Brúarland í lok júní 2015

Smá sýning á þekktum og óþekktum nágrönnum okkar hér í Brúarlandi

Rósirnar eru taldar frá vinstri: 2 x Rosa (R) F.J.Grootendorst A KW

2 x rósir úr gróðurhúsinu sem ég þekki ekki.

 Í bláa pottinu er svo Klettarós sem sáði sér um allt og ég upprætti úr beði

 Hádegisblóm sem ég sáði til í vor

 Baunatré

 Stóriburkni sem má skipta í fjóra eftir því sem Ingibjörg sagði mér

Gultoppur er við stóra burknann minn

Einir vinstra megin og ég held Heggur?

 Lindifura

 Dvergfura

 Snjóberjarunni

Heggur?

Hér er beð sem við Bjarri settum saman í fyrra. Þar er Hóffífill, Einir, Geitaskegg, Úlfareynir, Dvergfura og svo er einhver þekjujurt að skríða úr garðinum við hliðina og ég ætla að láta hana vera. Setti um daginn 21.7. blóðberg og tvær þrílitar fjólur í beðið og svo er þarna smávaxinn runni frá Siggu og Guðmundi Halldórssyni fremst til vinstri. Hann er mjög fallegur en þarf vetrarskjól. 

Er ánægð með hvernig til tókst með þennan stein. Ofan á honum er eitthvað fjölært með gulum blómum, líklega gullmura. Framar á steininu er blákolla. Á hliðinni er vaxinn upp Stikilsberjaplanta og burkni. Skemmtilegur villigarður sem þarna óx upp

Burnirót og Fjallarifs en það klipptir ég alveg niður í fyrrahaust. 

 Klippti allt fjallarifsið niður síðasta haust 2014

Maríustakkur

 Vestmannaeyjabaldursbrá

 Skriðrifs

Þetta gráa heitir Dílatvítönn en veit ekki hvað hitt heitir. Það blómstrar á haustin, laukar og kemur frá Siggu konu Guðm. Halldórssonar

Veit ekki hvað þessi runni heitir en hann blómstraði í fyrra gulum ilmandi blómum og lyktin minnti á gamla ameríska tyggjóið sem maður tuggði sem unglingur. 

Hansarós fyrir aftan og Runnamura fyrir framan. Það er svo Völudepla sem þekur beðið. Hún er smávaxin blá og dreifir sér vel sem þekjuplanta

 Betri mynd af Völudeplu

Birkikvistur og Maríustakkur sem þekur beðið og svo aftarlega til hægri er einhver kvistur sem ekki er komið nafn á

Bóndarós og hún er afskaplega sein núna eins og reyndar allt annað

Jarðarberjaplöntur fékk ég á Kleppjárnsreykjum og þær færði ég í fiskikör um miðjan júlí þó þær væru farnar að mynda ber. Ætla mér að breiða net yfir þær svo fuglarnir eti ekki berin frá mér og vonandi komast sniglarnir ekki upp í karið. 

Nýja gróðurhúsið og fyrir framan eru tvö Eplatré

Vinstra megin er Transparente Blanche og svo hún Eva Lotta til hægri. Þau fóru mjög illa í vetur

 Fjallagullregn sem er mitt flottasta tré

Reyniviður sem ég setti niður fyrir neðan gróðurhúsið sumarið 2012

Hlynur sem ég setti niður sumarið 2012

Hlynur er mitt uppáhaldstré og virðist afar ánægður þarna

Við höfum kurlað allt sem til fellur og sett í beðin. 

Hér er Fjallarifsið að koma til aftur

Valmúinn sáir sér talsvert en ég ætla einmitt að nota hann sem þekjuplöntu. Á reyndar bara appelsínugulan en ætla að reyna að fá mér fleiri liti

 Niður við bílskúr er greni sem ég held að við fellum. Það er svo lítið í það varið.

Á horninu er Reynir sem ég hef klippt freklega niður og ætla að halda áfram að gera það. 

Fjallarifsið að koma til og bak við grenistofninn er Rhododendron, sígræn lyngrós sem fór ansi illa í vetur þrátt fyrir skjólkassa. Hann fauk af í vetur og þá skaðaðist hún. Hún kom samt með fullt af knúmpum í sumar þessi elska en blöðin illa farin. Það er samt heilmikill vöxtur í henni. 

 Hér sést hvað Grenitréð er gisið og leiðinlegt. 

 Rhododendron eða Lyngrós. Þegar við fluttum í Brúarland þá var hún búin að vera í kassa í nokkur ár og óx þar ferköntuð. Hún er ótrúlega seig að hafa lifað af síðasta vetur.

Fremst eru Reynir og Hlynur sem ég setti niður2012.

Fjallagullregið fyrir ofan og svo Grenitré

 Fremst eru Hlynur og Silfurreynir sem voru sett niður ca 2012. 

Ofan við gróðurhúsið er tré sem ég er mikið að spá í að fella. Veit ekki hvað það heitir. Snjóberjarunnar orðnir allt of miklir og sjást hér lengst til hægri

Snjóberjarunnar vinstra megin og Hindberjarunnar hægra megin við inngang í það sem einu sinni var matjurtagarður en nú er þar allt í rúst, Fíflar, njólar, Kerfill og allt mögulegt annað. Er að spá í að setja þarna kofa sem hægt væri að geyma verkfæri í og jafnvel hýsa gestina mína. 

Ég hélt þetta væri hindberjarunnar en nú hefur mér verið tjáð að þetta séu laxaber. Svolítið spæld yfir þessu en þá er bara að finna sér hindberjaplöntur. 

Uppgötvuðum ekki að þarna væru þessir runnar fyrr en í fyrravor því þeir voru á kafi í Snjóberjarunnum. Ég tók því handklippur og klippti Snjóberjarunnana frá og leyfði þessum að vaxa. 

 Ég er með allt mögulegt í uppeldi hérna. 

Jarðarber, fíflar, Sigurskúfur, Njóli. Allt í bland og ég ræð ekki neitt við neitt

Uppeldi á Hindberjarunnum sem ég ætla að setja niður við götuna, innan við Fjallarifsið

 Jarðarber í fiskikari og moltudallurinn góði. Rabbabarinn er að spretta úr sér

Myntan er öflug og yndisleg lykt af henni. Góð í te

Hryllingurinn í garðinum hjá Svöfu og Þórhalls húsi, Kerfill æðir þar um allt og enginn íbúi í húsinu. Steini búinn að tala við sveitarfélagið en ekkert gerist. Þeir mega ekki gefa upp hver á húsið, svo skrítið sem það er nú en þóttust ætla að tala við eigendur. Nú þegar þessu er bætt við er júlí að klárast og kerfillinn að sá sér um allt hjá mér. 

Ég klippti hann vel niður í vikunni svo hann sáði sér ekki meira. Spurði á Facebook vefnum hvað væri til ráða og einn ráðlagði mér Herbamix á hann, njólann, fífla, sóleyjar. Eyðir ekki öllu eins og Roundup. Ætla að prófa þetta í dag

Meðan Kerfillinn æðir hér yfir þá er þetta vonlaust verk hjá mér

 Jarðarberjastöpull. Planið er að setja þau í rennur, hillur og koma þeim frá jörðinni. 

Er búin að setja þau í alls kyns fötur og potta og þau bíða aðgerða

 Njóli og fíflar verða líka spreyjuð með Herbamix í dag

 Sigurskúfurinn æðir líka hér um allt og verður eitraður í dag

 Ljúfa spókar sig í sólinni og lætur illgresið ekki skemma sumarskapið

 Hér lendir alls kyns drasl úr garðinum og seinna notað í beðin

Hér eru Hindberjaplöntur í uppeldi og hægra megin graslaukur

Hér sáði ég gulrótum í vor en ekkert kom upp. Færði í þessa kassa jarðaberjaplöntur um miðjan júlí

Jarðaberjablómin lofa góðri uppskeru

 Þetta er óyfirstíganlegt að sjá en þetta keeeeeeeeeeeeeemur

 Í garðinum við Kela hús æðir svo störið um allt og Ingibjörg sagði mér að eina ráðið væri að reka niður járngirðingu eða steypa vegg til að losna við þetta. Fremst liggur svo ösp sem var söguð niður 2014 og á að nýtast í eitthvað til dæmis skraut í beð

 Bak við hús er draumurinn að setja pall og heitan pott því þar er ekki mikil sól

 Þarna í grasinu leynist Mjaðurt

Elfting, stör og fíflar eru við hliðina á milli númer 9 og 11. Mikil órækt. Held að þarna ætti maður að setja stétt til að geta gengið þarna

Burknar í númer 9 farnir að sá sér og birkið á milli húsanna hefur tekið vel við sér eftir að ég klippti það mikið niður sumarið 2013

Grenið mitt er orðið ansi stórt og skapar skugga á lóðina 

Hér sést grenið frá númar 9 og Hvítbirkið að hluta 

Hvítbirkið sómir sér vel þarna neðan við húsið okkar 

Þá er ég komin hringinn.  

Blæjuberjaplöntur gefa ber í hundraðatali. Setti niður blæjuber haustið 2013 

 Hér sést ber við ber 

Keypti nokkrar Morgunfrúr og ætla að setja í potta 

Freistaðist líka til að kaupa Cyprus því hinn varð ónýtur. Hann var svo ódýr, kostaði sama og Morgunfrúrnar tíu

Sítrónutréð frá Gesti sómir sér vel innst í gróðurhúsinu

Eplatré sem ég rændi frá ströndinni þegar ég var send heim

Hér rækta ég Bergfléttu og leyfi henni að skreyta vegginn 

Stofublóm sem ég setti út í gróðurhúsið fyrir mögrum árum. Árelíubróðir held ég það heiti 

Trönuberja og Hindberjablanda sem Heiðrún Huld gaf mér 

Vínviðurinn ætlar að koma með mikið af berjum í haust 

 Setti niður fræ úr Kiwi í vor og þetta er útkoman. Í lok júlí plantaði ég út 8 stykkjum hægra megin við útidyr gróðurhússins og ætla að sjá til hvað gerist. 

Þessi vínviður hefur aldrei komið með ber, er önnur tegund, lússækinn og með dekkri blöð 

Goji berjarunni sem Heiðrún Huld gaf mér. Lússækinn með afbrigðum og allur að fölna. 

Keypti tvær tómatplöntur í Garðheimum í vor. Stórir en fáir tómatar. Önnur orðin voða drusluleg, Enginn áburður gefinn í vor og kannski er það ástæðan fyrir depurð þeirra

Jarðaberjaplöntur meðfram öllu gróðurhúsinu. Skjólgott og hlýtt 

Hansarós er mikið uppáhald hjá mér. Ekki almennilega laufguð ennþá

Man ekki hvað þessi runni heitir. Gul blóm og lykt eins og af gulu Amerísku tyggjói í gamla daga

Gultoppur hér fremst. Hefur aldrei blómstrað fyrr en í sumar. Hefur alltaf verið freklega klipptur hjá mér og það er kannski ástæðan. Hann var svo úr sér vaxinn 2011 þegar fyrir byrjuðum garðvinnuna. Þetta er því fjórða sumarið okkar í þessum garði.